LIBANGA 12
Leliphepha lehlukaniswe tigaba letintsatfu:
SIGABA A: Indzaba. Labahlolwako baphocelelekile kutsi bacale ngeluhlaka. 
Labahlolwako balindzeleke kutsi baphendvule munye umbuto esigabeni A, munye esigabeni B namunye esigabeni C.
Cala leso naleso sigaba ekhasini lelisha udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako kusita labatawuhlola umsebenti wakho.
Caphelisisa sipelingi nendlela yekwakha imisho.
SIGABA A: INDZABA
UMBUTO 1
Bhala indzaba ngasinye saletihloko letilandzelako ibe ngemagama langema-340 - 390.
Tinkinga letitsikameta emalungiselelo emidlalo yendzebe yelibhola lemhlaba yanga-2010.
NOBE
Kukhona labatsi lisiko lekuhlolwa kwemantfombatane nelekusokwa kwebafana kufanele avalwe. Ngabe uyavumelana yini nalombono? Indzaba yakho ayicondzane nalinye lalamasiko
NOBE
Bhala indzaba ucondzise kulesitfombe lesingentasi. Yinike sihloko lesifanele indzaba yakho.
NOBE
Ngekubona kwakho yini lokungentiwa kucinisa tekuphepha etikolweni.
NOBE
Umdlalo wemancamu welibhola letinyawo emkhatsini wemacembu lamakhulu akuleli.
NOBE
SAMBA SIGABA A:
UMBUTO 2
Khetsa kunye kulokulandzelako ubhale ngako ngemagama lali-100 - 120.
NOBE
Umngani wakho usesibhedlela. Bodokotela batsi tinso takhe tonakele, ngako-ke kutawudzingeka kutsi afakelwe lenye inso. Wena utsetse sincumo sekunikela ngenso yakho, kute umsindzise. Bhala inkhulumomphendvulwano emkhatsini wakho nemtali lapho umatisa khona ngalesincumo sakho
NOBE
Bhala incwadzi ubhalele malume wakho lokukhulisile waze wacedza sikolo umbonge.
NOBE
Endzaweni yakini kuniketwa kwetinsita ebantfwini akwenetisi. Ummango ubone kuncono kutsi kube nemhlangano kudzingidza lenkinga. Bhala luhlelo nemaminithi alomhlangano.
SAMBA SIGABA B:
TINHLOBO LETEHLUKENE TEKUCHUMANA
Khetsa kunye kulokulandzelako ubhale ngako ngemagama langema-80 - 100.
Bhala likhadi lesimemo umeme libandla lakho emsebentini wekukhipha umntfwana endlini.
NOBE
Kutawube kuvulwa litje lesikhumbuto lamkhulu wakho. Umndeni umeme tihlobo takhashane. Bhala inkhombandlela lotabatfumelela yona.
NOBE
Libandla lenu lihlele lidzili lemculo lapho kumenywe khona baculi betenkholo labadvumile kute licokelele imali yekwakha indlu yelisontfo. Bhala iphosta watise ummango ngalekhonsathi.
SAMBA SIGABA C:
SAMBA:
